做乜嚟揾我呀？

話說媽媽有次去針灸，針灸師摸到媽媽耳後有硬塊，死口咬定那是癌症腫瘤。媽媽擔心得連飯也吃不下，家庭醫生最後安排了媽媽去找耳鼻喉專科醫生。

醫生：你咩事來看我？
媽：無... 我有點鼻敏感
醫生：鼻敏感為何來找我？(我想：家庭醫生覺得我媽要來看你嘛)
媽：無...耳仔後面有舊野，唔知係咪...
醫生：唔知係咪鼻煙癌？好，（摸完耳背）摸唔到喎，你做咩嚟睇我？
媽：我伸鼻涕間唔中有點鼻血
醫生：流了多久？
媽：都一段時間
醫生：十年？ (我想：流十年鼻血恐怕我媽已死了，仲駛揾你？)
媽：咁有無！
醫生：兩年？
媽：差不多
醫生：你父母有鼻煙癌嗎？
媽：我爸是肺癌死的
醫生：肺癌跟鼻煙癌是不一樣的！(我想：你認為我媽要學好點中文嗎？連肺癌和鼻煙癌也分不清？)
媽：我知
醫生：又不是遺傳，你做咩嚟睇我？(我想：哎...醫生，唔通真係貪你靚仔想見下你咩？)
媽：無...我驚住係...
醫生：你驚有鼻煙癌係唔係？
媽：係嘅...
醫生：好，你驚有鼻煙癌所以來看我
媽：係囉
醫生：係就得嘞。等我看看。嗱，我伸條喉入去鼻看清楚吓。好乾淨，乜都見唔到，無鼻煙癌。我再伸落去看清楚喉嚨。乜都無，無鼻煙癌，唔駛驚。(我想：醫生，你好似sales咁呀...好hard sell)
媽：醫生，我信你啦...
醫生：放心，唔係鼻煙癌，唔駛驚！慢慢行...

醫生，無咩事我也不想見你，多得你大大聲說我媽無鼻煙癌，佢終於可以大大啖咁食大餐...